Bonjour je dois traduire ce texte, pourriez-vous m’aider s’il vous plaît.
Merci d’avance


Quicumque ille fuit, puerum qui pinxit Amorem,
nonne putas miras hunc habuisse manus?
Hic primum vidit sine sensu vivere amantes,
et levibus curis magna perire bona.
Idem non frustra ventosas addidit alas,
fecit et humano corde volare² deum :
scilicet alterna quoniam³ jactamur in unda,
nostraque non ullis permanet aura locis.
Et merito hamatis manus est armata sagittis,
et pharetra ex humero Gnosia³ utroque jacet :
ante ferit quoniam tuti quam cernimus hostem,
nec quisquam ex illo vulnere sanus abit.
In me tela manent, manet et7 puerilis imago :
sed certe pennas perdidit ille suas ;
evolat, hei, nostro quoniam de pectore nusquam,
adsiduusque meo sanguine bella gerit.
PROPERCE (Sextus Propertius)
(v. 50 av. J.-C.- 18 ap. J.-C.)
Elégies, II, 12